Shkollat Verore

Shkolla Verore është një përvojë akademike unike që ofrohet për studentët e moshave të ndryshme që studiojnë në shkollë të mesme, kolegj apo universitet, për të përmirësuar aftesitë në një fushë të caktuar si gjuhë e huaj, sport, art apo hobi. Ky është një program që ofrohet gjatë periudhës së verës. Pas përfundimit të shkollës verore studentët përfitojnë çertifikatë e cila mund ti vlejë në të ardhmen.

Përveç kësaj, shumë shkolla dhe universitete ofrojnë programe verore për mësues, pedagogë, profesionistë të fushave të ndryshme, të cilët dëshirojnë të perfeksionojnë njohuritë dhe të zgjerojnë bagazhin e tyre.

Disa prej shkollave verore janë të hapura për të gjitha nivelet.

Shkollat Verore të Gjuhëve të Huaja janë të konceptuara për të rinjtë të cilët janë të motivuar për të mësuar një gjuhë të huaj dhe për të zbuluar një kulturë të re. Dëshira për të mësuar është mjaft e rëndësishme për pëfundimin me sukses të shkollës.

Praktikimi i vazhdueshëm i gjuhës së huaj jo vetëm gjatë leksioneve por edhe gjatë kohës së lirë bëjnë që studenti të ndihet i përfshirë totalisht duke parë rezulatate të menjëherëshme dhe të prekshme. Leksionet janë dinamike dhe interaktive, programi është shumë i larmishëm dhe plot me aktivitete zbavitëse kështu që koha kalon pakuptuar... Shkolla Verore është një aventurë e pasur sociale dhe stimuluese për studentin.

Të rinjtë mund të zgjedhin të frekuentojnë një shkollë gjuhe gjatë pushimeve verore në vende të ndryshme të Europës si: Angli, Spanjë, Gjermani, Zvicër, Belgjikë, Francë, Irlandë, Itali, etj. Në sajë të kësaj eksperience ato do të zhvillojnë shumë shpejt aftësitë e tyre të komunikimit në gjuhën angleze, gjermane, frënge, spanjolle dhe atë italiane. Zgjeroni njohuritë e gjuhës deri në përsosje, merrni pjesë në një shkollë verore në rrethana ideale!