Programi Akademik Jashtë

Jeni në kërkim të një eksperience të re jete në një vend të huaj? Dëshironi të zhvilloni një vit ose semestër akademik në SHBA, Britani të Madhe, Spanjë, Itali, Gjermani e gjetkë? JDJ Albania jua krijon këtë mundësi. JDJ Albania ofron për ju Programin Akademik Jashtë të plotë në vende të ndryshme. Studentët do të jetojnë në familje mikpritëse ose mund të zgjedhin një residencë studentësh dhe të rregjistrohen në një shkollë të mesme private apo publike në rastet kur ky opsion është i mundshëm. Ky program ju jep ju mundësinë të studjoni jashtë vendit tuaj, të njiheni me një kulturë tjetër, të përmirësoni aftësitë tuaja gjuhësore, si dhe të krijoni një pavarësi nga familja juaj.

Kërkesat:
Pjesëmarrje në një program afatgjatë nënkutpon përfshirje të plotë në jetën e vendit mikpritës dhe si e tillë është një mënyrë ideale për të përftuar aftësi në gjuhën e folur të vendit mik, si dhe një eksperiencë ku shkëmbehen kulturat. Programi Akademik Jashtë është shumë selektiv. Studentët duhet të intervistohen së bashku me prindërit e tyre në vendin e origjinës përpara se të pranohen. Nëse dosja e studentit nuk konfirmon që pjesëmarrësi i plotëson kushtet e listuara më poshtë, JDJ Albania ka të drejtën ta refuzojë atë.

Çdo student duhet të përmbushë kërkesat e mëposhtme bazë:

- Specifikimi i moshës sipas vendit
- 2 apo më shumë vite të studimit të gjuhës me rezultate të mira
- Një nivel mbi mesataren e rezultateve në shkollë
- Eksperiencë paraprake e të jetuarit larg nga shtëpia
- Interes në njohjen e gjuhës dhe kultures të një vendi tjetër
- Dëshirë për të bërë miq dhe për të jetuar në një familje mikpritëse
- Të qenurit i hapur dhe me një sjellje fleksibël

Transferimi i krediteve dhe i diplomave
Ju lutem duhet të kini parasysh se studentit nuk i garantohet:

- arritje në një nivel të caktuar
- që do t'i bëhet transferimi i krediteve
- që do t'i jepet diplomë në fund të vitit akademik

Ju duhet të jeni të vetëdijshëm se mund të duhet të kryeni përsëri vitin shkollor përkatës në vendin tuaj. Përpara nisjes, duhet të informoheni qartë rreth mundësive që keni për t'ju njohur viti shkollor në kurikulën e shkollës në Shqipëri. Gjithashtu, duhet të informoheni rreth proçedurave përkatëse.

Mosha: 13-18 vjeç (në varësi të vendit)
Kohëzgjatja: Semestër, Vit Akademik
Lloji i Shkollës: Publike & Private

Afati i Aplikimit:

Aplikimet, zakonisht pranohen deri në fund të Marsit për sezonet që fillojnë në Gusht-Shtator dhe deri në fund të Gushtit për sezonet që fillojnë në Janar. Rekomandohen aplikime herët, pasi aplikimi është një proces i gjatë dhe vendet janë të limituara. Aplikime të vona mund të pranohen duke u marrë në shqyrtim rast pas rasti.

Programi Akademik Jashtë është një program mjaft ekzaltues. Për këtë mund të pyesni ata që e kanë provuar këtë eksperiencë. Ajo që e bën këtë program të veçantë është që për shumë prej jush do të jetë "hera e parë" e shumë gjërave, në jetën tuaj! Nëse ju keni studjuar deri tani me mësues lokal, kur të bëheni pjesë e këtij programi do të keni edhe kontaktin tuaj të parë me një mësues të huaj, që ju flet në gjuhën origjinale, atë që ju keni zgjedhur të perfeksiononi; do të fitoni besimin në vetvete; do të ndani vlera njerëzore si miqësia dhe toleranca; do të takoheni për herë të parë me shokë dhe miq jo të vendit tuaj duke kaluar kohë me ta, me bashkëmoshatarët tuaj në vendin që keni zgjedhur të shkoni.

Shumë prej jush do të studjojnë në SHBA dhe në Evropë, të cilat kanë një zhvillim të mahnitshëm të kulturës dhe teknologjisë. Të jeni të sigurtë që ekperienca juaj do të jetë ndryshe nga shokët tuaj dhe do të mbetet në kujtesën tuaj, si diçka tepër e veçantë.