Kush jemi ne

JDJ Albania sh.p.k është kompania e vetme që ofron shërbime dhe konsulencë, profesionale në ofrimin e kurseve të gjuhës afatshkurtra dhe afatmesme, programeve akademike jashtë, programeve studimore universitare dhe mastera në universitetet më të mira të Evropës dhe Botës, për të rinj dhe profesionistë shqiptarë që duan ta gjejnë vehten sa më të pregatitur e të suksesshëm në përballjen me tregun e punës.

JDJ Albania është përfaqësues i JDJ Bachalski-it, kompanisë më të madhe të këtij shërbimi me qendër në Poloni, e cila numëron rreth 80.000 klientë që kanë përfituar nga shërbimet e kësaj kompanie. Me një eksperiencë mëse 20 vjeçare dhe shkallë të lartë profesionalizmi, kjo kompani është vlerësuar me çmime prestigjioze ndërkombëtare.

JDJ Bachalski është pjesë e grupit JDJ Trade me qendër në Britaninë e Madhe. Të rinjtë shqiptarë mund të zgjedhin ndjekjen e kurseve të gjuhës në vendet e origjinës dhe JDJ Albania ua mundëson këtë gjë, duke studiuar gjuhën angleze në Britaninë e Madhe apo SHBA, gjuhën spanjolle në Spanjë, frëngjishten në Francë, apo gjermanishten në Gjermani. Të përzgjedhura me kujdes nga ne, duke iu referuar eksperiencës shumëvjeçare të partnerëve tanë ndërkombëtarë, krahas mësimit të gjuhës, në këto kurse verore apo dimërore ata do të mund të njihen dhe të socializohen me të rinj të kulturave të tjera, të shkëmbejnë eksperienca, të vizitojnë ambjente të ndryshme, si dhe të zbaviten.

Për të gjithë pjesëmarrësit, sipas Konventës Ndërkombëtare të të Drejtave të Fëmijëve, nga shkollat mikpritëse ofrohen kushte maksimale të jetesës, sigurisë dhe studimit.

JDJ Albania ofron Program Akademik Jashtë të plotë në vende të ndryshme ku studentët mund të ndjekin studimet në një shkollë të mesme private apo publike. Pjesëmarrje në një program afatgjatë nënkutpon përfshirje të plotë në jetën e vendit mikpritës dhe si e tillë është një mënyrë ideale për të përftuar aftësi në gjuhën e folur të vendit mik, si dhe një eksperiencë ku shkëmbehen kulturat.

Gjithashtu, JDJ Albania ofron mundësinë për të rinjtë shqiptarë që të ndjekin programet më të avancuara të studimit parauniversitar, siç janë International Baccalaureate dhe A-Levels, të cilat janë një garanci për pranimin e studentëve në universitetet më të njohura të botës.

Në gamën e gjerë të shërbimeve që JDJ Albania ofron, është gjithashtu edhe mundësia e të rinjve shqiptarë për të studiuar në universitetet më të mira të botës si: në Angli, Skoci, Gjermani, Zvicër, SHBA etj, në programet Bachelor dhe Master.

Nje risi tjetër që vjen për herë të parë në tregun shqiptar është edhe ofrimi i kurseve profesionale. JDJ Albania do të përpiqet të ofrojë një perpsektivë të nisur nga nevojat individuale të çdo klienti.

Forca jonë qëndron në ekipin shumë disiplinësh, konsultentët profesionistë, të cilët kanë si moto, suksesin. Ne do të asistojmë çdo student për të gjetur programet e studimit me interes për ta, përmes kontakteve tona me universitetet dhe kolegjet më të njohura në botë.

JDJ Albania beson se të studioni jashtë është një investim i jashtëzakonshëm dhe për këtë arsye është e rëndësishme që gjithsecili të marrë shërbimin e personalizuar, në mënyrë që të jetë i suksesshëm në përmbushjen e qëllimeve afatgjata të karrierës.