Viti Përgatitor Universitar - Foundation Course

Jeni duke përfunduar Shkollën e Mesme dhe dëshironi të studioni në Britaninë e Madhe për diplomën tuaj universitare?

Në Britaninë e Madhe ofrohet një program përgatitor universitar, që shërben si urë lidhëse ndërmjet sistemit arsimor jo britanik dhe universiteteve britanike. Ky është program 1-vjeçar përgatitor universitar i hartuar posaçërisht për të huajt.

Ky program njëson kualifikimet tuaja me kërkesat për të hyrë në universitet. Programi pëmbush jo vetëm kërkesat akademike por, rrit aftësitë tuaja në gjuhën angleze dhe ju njeh me kulturën dhe stilin e jetës së atij vendi. Ky kurs trajton një gamë të gjerë lëndësh si biznesi, informatika, shkencat e komunikimit, drejtësia, arti e dizajni, inxhinieria, dhe shkencat sociale. Metodat e mësimdhënies janë konceptuar për të zhvilluar aftësitë tuaja në studimin e zgjidhjes së problemeve dhe mendimit analitik.

Kërkesat për të hyrë në universitetet e Britanisë së Madhe dhe kolegjeve janë një proçes kompetitiv. Për të fituar të drejtën e rregjistrimit, ju duhet të keni njohuri shumë të mira në gjuhën Angleze, të paktën 4.5 - 6.5 në provimin e IELTS-it ose ekuivalentin, në varësi të programit që keni zgjedhur.

Studentët të cilët nuk e zotërojnë këtë kualifikim, do të duhet të ndjekin një kurs gjuhe paraprak.

Studentët gjithashtu, duhet të pajisen me diplomën e Shkollës së Mesme.

Gjatë programit parauniveristar, studentëve të huaj u ofrohet akomodim në kampusin e universitetit ose familje mikpritëse.

Në qoftë ju jeni duke studiuar prej një periudhe më të gjatë se 6 muaj, atëherë Zyra e Emigracionit të Britanisë së Madhe do t'ju lejojë të punoni deri në njëzet orë në javë, dhe me kohë të plotë në kohën e pushimeve në kolegj apo universitet.

Studentët që studiojnë më shumë se gjashtë muaj mund të vizitojnë çdo mjek ose spital, për trajtime mjekësore, pa pagesë. Juve do t'ju duhet të paguani vetëm për ndonjë mjekim të rekomanduar nga mjeku dhe trajtim dentar.

Studentët që kanë ndjekur këtë kurs, kanë fituar të drejtën të hyjnë në Universitetet e Londrës, Oxford Brookes, Manchester, Aston, Kent e shumë të tjerë.

Programi Përgatitor Universitar është me të vërtetë guri juaj themeltar për një karrierë ndërkombëtare të suksesshme.

Ne jua krijojmë këtë mundësi!